Ини одӥг арнязэ Алёна дораз улэ

2020 арын вордскем нырысетӥ нылпи — Пор-Кутеш гуртысь ныл

2020 арын 5 толшоре Балтась ёросысь нылпи ваён юртын нырысетӥ нылпи вордскиз. Кыкетӥ ползэ ини шудо анай-атай луизы Пор-Кутеш гуртысь Александр но Анастасия Терентьевъёс. Табере соослэн семьяязы Кирилл пизы сяна, пичи нылзы но вань, солы чебер ним сётӥзы — Алёна.

9 толшоре больницаысь поттонзы сӥё-дано ортчиз. Сюлмез бугыртӥсь минутэ, куке анай матысьёсызлэсь но семьяезлэсь сяська бичетъёссэс басьтӥз, пичи нуныез, чупамысь дугдылытэк кияз атаез возиз. Егит анай-атайёсты сыӵе шумпотымон событиен ӟечкыланы Балтась ёросысь исполнительной комитетлэн кивалтӥсез Айдар Хайрутдинов, ЗАГС отделлэн кивалтӥсез Зухра Ахметханова, социальной дурбасьтонъя отделлэн кивалтӥсез Алсу Гатиятуллина. Ваньзы соос анай-атайёсты кыкетӥ нылпизы вордскемен ӟечкылазы, сяськаос кузьмазы, синпелькузьымъёс сётӥзы, озьы нунылы коробка кузьмазы.

Балтасьысь центральной больницаысь валтӥсь врач Газинур Давлиев но егит анай-атаез семьяязы эшшо одӥг мурт водскемен ӟечкылаз, со ТАССР-лэн 100 ар тырмонэзлы сӥзем медаль но сётӥз. Но ваньмыз та арня талэсь азьло вал ини луиз. Нош али егит анай мадиз, кызьы мынэ кык нылпилэн анайзылэн нуналмысь улонэз мынэ. ортче.

Ини одӥг арнязэ Алёна дораз улэ

— Ну, кызьы улӥськом? Пичи нылпиосын котькуд егит анай кадь ик, дыр, — серекъя Анастасия. — Кызьы вера вылэм Кирилл пимы нылпи садын: Алёна изе но, бӧрдэ но, серекъя но, пе.

Анастасиялэн верамезъя, Кирилл покич сузэрезлы туж шумпотӥз — вань эшъёсызлэн покчи вынъёссы, сузэръёссы вылӥллям ини — табере солэн но вань: солэн утёно ))муртэз но луиз.

Пичи Алёна 5 толшоре 9 час но 40 минутэ вордскем. Секталаез — 3 килограмм, кузьдалаез — 51 сантиметр. Нунылэн анаез вера, нылпи ваёнэз секыт но кема ӧз луэ шуыса. Анастасия зэм вера, )) ачиз но пи вордиськоз шуыса малпам, но таяз учыре нылкышно шӧдонэз сое алдам. Кузпалэз нош пумтэм шумпотэм, дыр, — со ныл витем.

Терентьевъёслэн бадӟым но эшлыко семьязы

Декрет шутэтсконэ потэмезлэсь азьло Анастасия Шор Кушкет школаын сиён пӧрась луыса ужам, нош кузпалыз самозанятой — Балтасьысь автосервисын ужа.

Саша но Настя ог-огзэс пичиысен тодо вылэм. Сотэк бен кызьы — бускель гуртъёсын будӥллям ук (Саша — Шор Кушкетын, Настя — Пор-Кутешын), соин эшъяськилям кемалась. Ваньмыз радызъя мынэм: эшъяськон, яратон, одӥг ар армиын... Нош 2012 арын егитъёс сюанзэс шудӥллям. 2015 арын кузпалъёслэн нырысетӥ нылпизы вордскем (нялтас вераны кулэ, та нуналъёсы солы но вить арес тырмоз).

Туннэ нуналэ Терентьевъёс бадӟым эшлыко семьяен Пор-Кутеш гуртын уло — Алёна вордскем бере сямьяязы куать мурт луэм. Кузпалъёс сяна но соослэн кык нылпиоссы сяна, соосын ӵош Анастасиялэн анай-атайёсыз но уло — Мария но Вячеслав. «Табере котькудмылэн но пармы вань», — вера шудо анай Анастасия.

Наталья Жукова