Карек-Серма гуртын — кыкполэс шумпотон

2023-тӥ арлэн 27 толсурез ёросамы тодэ кыльымон ужрадъёс ортчизы. 

Нырысь ик нимысьтыз ожгар операциын батырлыко бырем Рафаэль Галимуллинлэсь но Дмитрий Степановлэсь нимъёссэс пыраклы тодэ кельтон вылысь Ципья шоръёзо школаын синпелет пул усьтӥськиз. Нош собере гурт интыын тыршись егит семьяосты корка пыронэн ӟечкылазы. Шумпотымон, Карек-Серма гуртысь огдыре кык егит семьяез корка пыронэн ӟечкылазы — Игнатьевъёсты но Ивановъёсты. Озьы ик таӵе шуд усиз Сосна гуртысь Гариповъёслэн но Карелиноысь Хасановъёслэн семьяоссылы но. 

Выль юртъёс «Гурт территориосты котыр ласянь азинтон» программая лэсьтэмын вал.

Тюнтер гуртын та ик программая лэсьтэм хоккеен шудон площадка усьтӥськиз. Нимысьтыз ожгар операциын бырем Радис Вафинлэсь но Фанзиль Шакировлэсь семьяоссэс Выль арен ӟечкылазы. Озьы ик выль ар ӟечкыланъёс Карелино гуртын улӥсь трос нылпиё Нурмухамметовъёслэн семьязылы но вуттэмын вал. Самообложение коньдонэн Шошма шур вамен пыдын ветлӥсьёс понна лэсьтэм выж усьтӥськиз. 

Котькуд ужрадэ Балтась муниципал ёрослэн главаез Рамиль Нутфуллин но Татарстан Республикаысь Кун Кенешысь депутат, ёросмылэн кураторез Камиль Нугаев пыриськизы, шуныт мылкыдъёссэс веразы, кузьымъёс сётъязы.