Хезмәт

Балтач районы

18+
2024 - Гаилә елы
Азьлане

«Колыван» вордскем палъёсаз

Контракт амалэн служить карись аспалмылэн шутэтскон нуналъёсыз кызьы ортчо.

Кык арлэсь кема шаермы кышкыт вакытэ улэ. Пумтэм сюлмаськон, выль но выль нимъёс, кышкасьтэм батыръёс, геройлыко историос, пыраклы ожлудэ кылемъёс — та ваньмыз нимысьтыз ожгар операцилэн кышкыт тодметъёсыз. «Милемлы Вормон но каньыл улон гинэ кулэ», — котькуд адямилэн малпаназ та кылъёс уло... 

Шаерамы нуналлы быдэ 100-лэсь трос воргоронъёс контракт амалэн службае басьтӥсько. Та лыдпус будэ но будэ. Соослэн пӧртэм мугъёссы: кин ке коньдон понна кошке, кин ке патриот мылкыдын пачылмемын, кин ке ассэ мукет интыын уг адӟы ни, кинлэн ке мукет стимулэз ӧвӧл... Но адямилэн улонэз уг дунъяськы миллионъёсын, адями кулэ ас интыяз, ас вордскем палъёсаз.

Куке тон дор палъёсад, ас юртад, ваньмыз капчи, каньыл потэ, ас семьяед понна тон юн пыкет луиськод. Но югдур озьы берытскиз: воргоронлы туннэ семьяез понна гинэ ӧвӧл, быдэс шаер понна оскымон пыкет луоно. 

Туннэ статьямылэн героез огшоры ожгарчи гинэ ӧвӧл, со опытэн, ожгар ужез пыр-поч валась ӧнерчи, 11-тӥ арзэ со контракт амалэн службазэ нуэ. 

Михаил Алпутин вордӥсь-киз но будӥз Вуж Турья гуртын. Пичи но егит дырез котькуд нылпилэн кадь гурт урамъёсын но эшъёсыз пӧлын ортчизы, гурт ужъёсты, юртъер котырысь пӧртэм ужъёсты быдэстыса.

— Пичи дырысен ик малпанъёсы ожгар удысэн герӟаськемын вал ини. Соку телевизор пыр «Дядя Стёпа — милиционер» шуыса нимаськись мультфильм мынӥз, сыӵе кельшиз мыным солэн персонажез. Собере нылпи сад, покчиёзо школа, шоръёзо школа... Ваньмыз та инъет понӥз ожгарчи луон мылкыдлы. Тужгес Шор Кушкет шоръёзо школаын трос тодон-валан басьтӥ: кызьы автоматлы сборка-разборка лэсьтоно, кыӵе пуляос луо, кызьы нырысетӥ юрттэт сётоно но мукетэз. Дышетӥсьёслэн — Виктор Павловичлэн но Руслан Эрнстовичлэн — юн тыршеменызы тодон-валанъёсы армиозь ик трос вал ни. Школаез йылпумъям бере армие кошки, 2010-2011-тӥ аръёс вал со. Армиысь бертыса, Янгулысь «Ива мебельын» ужаны кутски. 2014 арын толсуре контракт гожтӥ. Таджикистанысь Душамбе городэ 201-тӥ военной базае ыстӥзы. Татын кык паласен 2045-тӥ арозь соглашение гожтэмын, кудӥзъя Россиысь Утиськонъя министерство музъемъёсты арендае басьтӥз. Валтӥсь ужпуммы — Таджикистан кунгожъёсты утён, малы ке шуоно Афганистанысен Россие потыны Таджикистан пыр самой капчи сюрес. Нимысьтыз ожгар операци кутскытозь ваньмыз каньыл вал: нуналысь нуналэ лэсьтӥськись задачаос, ужъёс... 9 ар БТР-лэн водителез (бронетранспортёр — ред.) вал, собере связья взводын водитель-электриклэсь ужъёссэ быдэсъяй. Али командировкаын, нимысьтыз ожгар операциын радиотелефонист луисько...

(Статьялэсь быдэс вариантсэ «Азьлане» газетысь лыдӟыны быгатоды).

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев