Суд азьын

Ильнур, 20 февраль 2015 - 18:29

1291

Кунмес Утисьёслэн праздникенызы валче дэмласько Муса Джалильлэсь "Суд азьын" ("Хөкем алдыннан") кылбурзэ.

Луытэк ӧз кыле, дыр, удмуртъёс пӧлын но фашист концлагерьёсын быремъёс. Бигер поэтлэсь кылбурзэ лыдӟыса, тодэ ваёмы ваньзэс оже быремъёсты.

Суд азьын

Поттӥзы ваньместы - ӝоген казнь, пе, ортчоз.
Султытӥз лек конвой ог радэ милемыз.
Возьыттэм сьӧд пӧрез адӟонтэм карыса,
Тӥнь шунды но пегӟиз меӵ гурезь сьӧръёсы.

Лысвуэн кот ӧвӧл ӵем ӝужам турынэд.
Со тодмо, музъемлэн куректӥсь синвуэз.
Ултӥясь кырсь ужез учкыны чидатэк,
Нюлэсъёс ватскизы лыз-пурысь ӵынкытэ.

Куазь салкым! Но мынам пыдъёсы шӧдыло
Жадьыса, висьыса шокамзэ музъемлэсь.
Анай кадь ик музъем, сюлмаське ми понна:
Аслэсьтыз шунытсэ жалятэк со кузьма.

Сюлэмы шуг ӧвӧл, музъеме-анае,
Шӧдӥсько, утисько тынэсьтыд шуныттэ.
Ас нимме ожгарчи сямен чик саптатэк,
Мон куло, вордӥськем шаере, тон понна.

Котырын Черчетлэн оскымон гыжкалэз.
Вир нырзэс бичатэ, шумпоттэ соосыз.
Уг на оско соос: быремын кырӟанзы,
Вань лэсьтэм ужъёссы пазьгиськоз азязы.

Вирӟектэм, вожомем синъёсын палачъёс
Поттозы асьсэлэсь чиль-лэчыт тӥръёссэс,
Тодӥськом, ми палан ук Вормон но Зэмлык
Визьтэммем тушмонлэн тэтчамез огдырлы.

Берытскоз Эриклэн шундыё нуналыз -
Дунне суд возьматоз соослэсь ымнырзэс.
Берпумез виреным гожтэмез кырӟанэ
Мед луоз Черчетлы калыклэн карганэз.

(*татын Черчет - Гитлер)

Фото: http://gzalilova.narod.ru/adabiyat_deftere/H_Y.html