«Трос-а кулэ арлыдоослы мылкыдзэс ӝутыны…»
Тэльын ворскиз пичи вож кыз Отын ик со будӥз. Кезьыт толэ но гужеме Веськрес вож-вож сылӥз…
Та покчи классъёсын дышетскон дыръя кырӟам кырӟанмес тодэ вайыса котыръяським чеберъям кыз котыртӥ Вуж Выль ар праздникын. Со радъямын вал 13 январе Сизнерысь пенсионеръёс понна гурт клубын. Кырӟаммы бере клубен кивалтӥсьмы тунсыко шудонъёс ортчытъяз. Соку милям, Сизнер гуртысь пенсионеръёслэн, мылкыдъёсмы но пичиослэн кадь лӧптӥзы. Кызэз данъяммы бере ӝок сьӧрын чай юыса шутэтским. Кыӵе бен чебересь кырӟанъёсты ми тодэ вайимы. Трос аресъем песяйёс но кырӟанъёслэсь кылъёссэ тодазы вайыса, дыр, кудӥзлэн синъёссы но нюромизы.
Бен кыӵе праздник ортчоз арган куаратэк, куке гуртамы вань али усто арганчиос? Пинал арганчимы, Артём Антонов, арганзэ шудыны кутскем бере, милям ӝӧк сьӧрын пукеммы ӧз ни луы. Егит дыръямы шудон дорын кырӟам частушкаосмес, такмакъёсмес вераса эктӥмы.
Бадӟым тау кылмес вераммы потэ клубен кивалтӥсьлы, Таисия Марковалы, милемын Вуж Выль ар праздникез ортчытэмез понна.
Трос-а кулэ арлыдоослы мылкыдзэс ӝутыны…
Сизнер гуртысь пенсионеръёс
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев