Ӵуказе – «Гырон быдтон»!

15-тӥ инвожое Ципья черкогуртын ёрос масштабен удмурт лулчеберетлэн праздникез — «Гырон быдтон» ортчоз. Шулдыръяськон кутскоз 10.00 часэн.
Котыр улос тыр чузъяське шулдыр удмурт крезьгур, отын но татын жин вазё камалиос, яркыт буёлъёсын ворекъя удмурт калык дӥсь... Ваньмылы тодмо суред — ваньмыз та тодэ вайытэ «Гырон быдтонэз».
«Гырон быдтон» — удмурт кыллэн, удмурт лулчеберетлэн, эшъяськонлэн праздникез. Со пӧртэм поколениосты, пӧртэм йӧскалыкысь адямиосты огазея, котыр улосэ шулдыр мылкыд вӧлмытэ. 
Та нуналэ тӥледыз майданын ческыт ӝукен куноялозы, пӧртэм калык шудонъёсын но тунсыко вожвылъяськонъёсын шулдыртозы. Котьку сямен луозы горшок пыргытон, возьвылтӥ куасэн бызьылон, чорыган, атас кутон, юэн тырмытэм пуйыос нуллон, канат кыскан, пуйыен жугиськон, пуйыен бызьылон, пуклёен ветлон, пуклё куян, качыен арнбери вандон но трос мукет шудонъёс но вожвылъяськонъёс. Озьы ик «Гырон быдтонэз» шулдыртыны ӧтемын Удмуртиысь куноос, Лия но Дмитрий Лекомцевъёс но Геннадий Ганьков. Соос сяна, сценаын кузёяськозы асьме ёросысь самодеятельной коллективъёс но. Озьыен, концерт учкыны яратӥсьёс кӧттырмымон эктозы-кырӟалозы.
Гажаса витиськом ваньдэсыз «Гырон быдтон» празднике! Эн вунэтэ, шулдыр мылкыддэс сьӧрады басьтыны! 
Праздникез радъясь но ортчытӥсь комиссия