Василий Никитинлэн берыктэм кылбуръёсыз

Ӵук ӟардыку куартолэзе,
Рейхстаг азьын лек ож кутскиз.
Асьме солдат немец нылэз
Тузон ульча шорысь адӟиз.

Юбо вӧзын сылэ куалекъяса,
Синмаз секыт кышкан солэн.
Шулась узвесь пӧсь кесэгъёс
Котыр ваё кайгу, кулон.

Тодаз вайиз: нылзэ чупаз
Одӥг гужем люкиськыкуз.
Оло, та нылашлэн бубиз
Солэсь вордэм нылзэ ыбиз?

ГЕОРГИЙ РУБЛЁВ

ВОРМОН ПОННА ТАУ, ПЕСЯТАЙ!

Со войнаысь бертӥз дораз,
Куке садын сирень ӝужаз,
Кесяськизы: пимы бертӥз,
Нош май нунал пальпотылӥз.

Синвуаське анай, вера:
Оски, пие, оски - улэп,
Кема тупаз жугиськыны,
Я, пУксьы вал ни, шУтэтскы.

Припев:
Вормон понна тау песятай, тау!!!
Котькуд утем корка понна,
Чылкыт инбам, оскон понна,тау,
Милям та улонмы понна.
Вормон понна тау песятай, тау!!!
Та югыт май праздник понна,
Шуныт вераськеммы понна, тау,
Ӧжыт юом ваньмыз понна !!!

Бертӥз дораз со войнаысь,
Ньыль ар ӵоже, сю ар мында.
Ачиз егит, быдэс пурысь,
Со кыл кутӥз шудмы понна.

ОЛЕГ ПАХОМОВ

Мон фильм учки война сярысь,
Мыным потӥз туж шукырес.
Пуштэ снаряд, ож гудыръя,
Трос адями юнме быре.

Песятае пуке вӧзын,
Ӵошен быдэс асьме кунэн
Лек кужымез вормем понна,
Гадяз пачыл медаль солэн...

Медальёссэ маяллясько,
Песятайме нош чупасько.

В. ТУРОВ