Выжы нюжаос кузя

Вылын Ушма гуртысь Ишмурзинъёслэн семьязы «Эхо веков в истории семьи — Тарихта без эзлебез» ӵыжы-выжы луонлы сӥзем элькун вожвылъяськонлэн муниципал этапаз вормисе потӥзы. Сюлмысь ӟечкыласьком соосты! Табере соос Балтась ёрослэсь данзэ оштолэзе Атня ёросын ортчоно зона этапын утёзы. Вормон сӥзёмы соослы.

«Эхо веков в истории семьи — Тарихта без эзлебез» элькун вожвылъяськонлэн муниципал этапез 10-тӥ тулыспалэ Бурбашысь лулчеберетъя юртын ортчиз. Ужрадэ пыриськизы Княбашысь Зиятдиновъёс но Вылын Ушма гуртысь Ишмурзинъёс. Сӥё-дано ужрадын соос асьсэлэсь котькуд ласянь адӟем карымон династиоссэс возьматӥзы. Конкурсантъёс жюрилэсь ёзчиоссэ мур пуштросъем адӟытонэн паймытӥзы, вашкалаоссылэн рецептъёссыя дасям йӧскалык сиён-юонъёсынызы куноязы, киужъёсынызы, синпелет луыса утиськись но выжыысен выжые сётӥськись вашкала арбериосынызы синмаськытӥзы. Сцена вылын котькудӥз семья аслаз выжыез сярысь вераз, выступленизэ крезьгуро номеръёсын чебертӥз. 

Пуктэм куронъёсты но выступлениосты лыдэ басьтыса, жюри вормисьёсты бырйиз. Нырысетӥ интые потӥзы Ишмурзинъёс, нош Зиятдиновъёс кыкетӥ интые потӥзы. 

Тодады вайытӥськом, «Эхо веков в истории семьи — Тарихта без эзлебез» элькун фестивалез, 2019-тӥ арысен кутскыса, арлы быдэ Татарстан Республикаысь Архив ужъя кун комитет ортчытэ. Ужрад элькунамы семья но ӵыжы-выжы кусыпъёсты юнматон, вордскем шаермылэсь историзэ эскерон, семья традициосты утён но азинтон ужпумен ортчытӥське. Радъяське со муниципал, зона но элькун этапен.