Бу авырудан агачлар үлми, әмма үсү чоры тоткарлана

Алмагачлар, грушаларда була торган йогышлы чир - парша бу. Дымлылык, яңгырлар аркасында бу гөмбәчек тиз тарала. Җил, кошлар, бөҗәкләр дә тарата. Бу авырудан агачлар үлми, әмма үсү чоры тоткарлана, әлбәттә инде грушалары да, алмалары да таплы була.

Ничек көрәшергә? Көз көне бөтен корган ботакларын кисәсез. Барлык коелган яфракларны, авыру алма-грушаларын жыеп территориядән чыгарып атасыз. Кәүсәләрен медный купорос кушылган побелка белән агартасыз. Яфраклары коелгач Бордоская смесь 3 % сиптерергә (3% лыны яз көне бөреләр уянганчы да сиптерергә кирәк). Бар тагын Строби, Хранитель, Скор дигән препаратлар. Болар белән сезонга 3-4 эшкәртү үткәрергә кирәк. Биопрепарат Фитоспорин сиптереп торырга була 10-14 көн саен.

Бу гөмбәчек коелган яфракларда кышлый. Яз җитүгә бик тиз спораларын чәчә. Яз башыннан  бөреләр ачылганчы, чәчәк атканчы, җимешләре барлыкка килгәч дәваларга кирәк.  Бордоская смесь белән дәваласагыз иң беренчесе 3% лы кирәк, бөреләре ачылганчы.  Аннан бөреләр ачылгач 1% лыны ясап сиптерәсез.

Эльмира Исхакова

Шәһри Казан