Гортензия үсентесен көз көне ничек утыртырга

Аның туфрагына кушабыз бер чиләк черегән черемә, булса, әче торф яисә ылыслы урманнан җир (торф) алып кайтырга кирәк була. 50 гр сера коллоидная һәм дә шушы казыган туфрагыбызга 200 гр суперфосфат кушып, бергә бутыйбыз да корневой шейкасы белән тигез итеп утыртабыз.

Колошкага бәйләп куябызда җитәрлек итеп суны сибәбез. Быел бездә корылык булганлык белән, алдан казыган чокырыбызны суга туендырабыз, аннары гына утыртабыз. Кислый торф булса, аны һичшиксез кушыгыз. Метельчатый гортензия әче туфракны ярата. Ә сераны суалчаннар туфрак белән бергә эшкәртеп, туфракны әчетәләр. Аны елга ике-өч мәртәбә салырга кирәк төбенә, коры порошок итеп сибәсез генә.

Мульчәләгән вакытта ылыс яки салам кулланасыз. Алар кышны яхшы чыгалар. Кышка кергәндә төбенә су сибәргә онытмыйк.

Йорт. Бакча. Рецептлар

Фарида Зайнуллина