Помидорларның яфраклары бөгәрләнә?

Помидорның яфраклары бөгәрләнүе еш кына аны дөрес карамаудан килеп чыга.

1. Су җитмәү. Бер төпкә бер чиләккә кадәр. Еш һәм аз итеп түгел, күп итеп һәм сирәгрәк сипсәгез яхшырак.
2. Эсселек. Яфраклар эсседән дә бөгәрләнә башлый. Помидорларны көндез турыдан-туры кояш нурларыннан каплагыз, ә кичен душ ясагыз – яфракларга су сиптерегез. Гадәттә, моны эшләргә киңәш итмиләр, чөнки дым аркасында гөмбәчек авырулары үсәргә мөмкин. Тик бу очракта – эсселектә дым тиз парга әйләнә.

3. Магний җитмәгәндә яфраклар өскә табан бөгелә, җепселләр арасы саргая. Магний сульфаты белән тамырдан тыш тукландыру таләп ителә.

4. Бакыр җитмәүнең яфраклар шиңә, трубкага бөтерелә, очлары ак төскә керә. Ә иң мөһиме, чәчәкләр коела. Ашыгыч рәвештә бакыр хелаты (1-2 грамм 10 литр су) белән тукландыру таләп ителә. Бакыр гөмбә һәм бактериаль авыруларга каршы торучанлыкны арттыра.

5. Фосфор җитмәгәндә яфракларның өлешләре эчкә табан бөтерелә. Фосфор дефицитын бетерүнең иң тиз ысулы-суперфосфат эретмәсе белән тамырдан тукландыру.

6. Әмма яфраклар бөтерелүенә бөтеркәчләнү дә сәбәпче булырга мөмкин. Бу вирус. дәвалануга бирелми. Авыру куакларны юк итү, зарарланмаганнарын марганцовка эретмәсе белән эшкәртергә. 10 көннән соң кабатларга.