Чапшарда маскировка сеткалары үрелде

Чапшар клубында ел әйләнәсе фронт өчен сетка үрәләр. Әбиләренә, әниләренә ияреп, сетка үрергә бакча, мәктәп балалары да килә.

Балаларның да эшкә өйрәнүе, патриотик тәрбия алуы сөенечле ️️ күренеш. Һәр вакыт бердәм, дус, тату булып солдатларыбызга ярдәм итеп торсак, үз җылыбызны ризык әзерләү, шәмнәр ясау, сеткалар үрү белән бирә алсак, аларга да илебезне сакларга бер рухи көч булып торыр иде.

Сеткаларны «Сугыш тизрәк бетсен, шушы сеткалар егетләребезне сакласын иде», дип теләкләр теләп төрәбез, ди авыл апалары.