Балтачта дүртенче мәчетнең стеналары өелә (фото)

Балтачыбыз елдан-ел зурая, искитмәле өйләр калка, яӊа урамнар барлыкка килә, матурлана. Халык соравын искә алып, киләчәктә тагын да үсәчәк бистәнеӊ коммуналь хуҗалык оешмасыныӊ өске ягында урнашкан микрорайонда яшәүчеләргә дин тотуда уӊайлыклар булдыру максатыннан, Гариф Ахунов урамында «Балтач нуры» исемле мәчет төзелә башлады.Фундаменты узган ел ук эшләнгән иде инде, быел җәй төзелеш эшләре башланып китте. Бүгенге көндә мәчетнең беренче катының стеналары өелгән инде.

Мөмкинлегегездән чыгып булышырга теләсәгез, түбәндәге счетларга ярдәмне кертә аласыз.