Балтачта мөфти кулыннан кемнәр бүләк алган

Күптән түгел район үзәк мәчетенә үткән имамнар җыелышында кайбер райондашларыбыз үзәкләшкән дини оешма - Татарстан Республикасы мөселманнарының Диния нәзарәтенең Мактау таныклыгы белән бүләкләнделәр. Балтач районы башлыгы Рамил Нотфуллинга, Шеңшеңәр төп мәктәбе әхлак укытучысы Нурзидә Бариевага, Яңгул мәктәбе әхлак укытучысы Лилия Нургалиевага, «Кайтаваз» радиосының дини сәхифәсен алып баручысы Вәсилә Фазлыевага, Комаров Завод авылы имам хатыйбы Илгиз Нуриевка, Түнтәр авылы имам хатыйбы Гомәр Газыймовка Татарстан мөселманнарының Диния нәзарәте - мөфти Камил хәзрәт Сәмигуллин олы хезмәтләре өчен рәхмәт белдерде.