Балтачта корбан гаетенә бару тәртибе

Балтач бистәсендә Корбан гаетенә бару өчен кузгалу иртәнге сәгать 2 тулып 30 минутта билгеләнгән:

— «Раиф» мәчетенә баручылар Каенлык урамының ике башыннан кузгалалар.
— Үзәк мәчеткә баручылар «Автовокзал» мәйданыннан һәм «Алтын ай» кибете каршыннан бара башлыйлар.
— «Ислам нуры» мәчетенә баручылар гимназия микрорайонында, олы юлда урнашкан «Бәхет» кибете каршыннан кузгалалар.
— «Балтач нуры» мәчетенә баручылар А. Алиш һәм Мир урамнары чатыннан, Сорнай урамыннан бара башлыйлар.

Бистәдә гает намазлары 3 тулып 25 минутта укыла. 

Авылларда Корбан гаетенә бару тәртибе буенча урындагы имамнардан белешеп кую сорала.