Сездән — сорау, бездән — җавап

Сорауга Балтач үзәк мәчете имам-хатыйбы Рамил хәзрәт Бикбаев җавап бирә.

— Тәсбих тартканда һәр зикерне 33әр тапкыр әйтәбез... Ялгышлык белән сан ягыннан артык яисә ким әйтсәк, бу гөнаһ буламы...

— Пәйгамбәребез (с. г. в.) сөннәте буенча 33 мәртәбә «Сөбханаллаһ», 33 мәртәбә «Әлхәмдүлилләһ» һәм 33 мәртәбә «Аллаһу әкбәр» дип әйтелә. Шушы зикерләрне әйтү сөннәт булып тора. Ә инде хаталык белән артык яисә ким әйтелсә, аннан гөнаһ булмас, әмма белә торып алай эшләү киңәш ителми. Башка вакытта зикер әйтүдә сан ягыннан чикләү юк.