Сездән — сорау, бездән — җавап

«Рамазан айлары да тәмамланыр, ураза гаете дә җитәр. Бер нәрсә борчый, гает намазын төрле җирдә төрле вакытта укыйлар, шуңа баш әйләнеп бетә. Гает намазының төгәл вакыты кайчан соң?»

Сорауга Балтач үзәк мәчете имам-хатыйбы Рамил хәзрәт Бикбаев җавап бирә

— Гает намазы бөтен кеше бергә җыелып укыла торган намаз. Һәм аның вакыты кояш чыгып, 25-30 минут узганнан соң өйлә намазына кадәр дип кабул ителгән. Шушыннан чыгып, һәр авылда яшәүчеләр, ягъни мәхәллә килешеп, гает намазының укылу вакыты буенча бер карарга киләләр. Авыл җирләрендә гадәттә ул вакыты керү белән укыла, ә инде шәһәр җирләрендә мәчетләргә килеп җитәр өчен вакыт калдырып, гает намазы соңрак укыла. Шуның өчен гает намазының вакытын, кайда укырга дигән нияттән чыгып, шул җирлекнең имамыннан яисә мәчеттән белешергә була. Хәзерге көндә намаз вакытлары социаль челтәрләр аша да җиткереп барыла.