"Аллаһ сакланганны саклармын дигән" дип әйтү гөнаһмы?

Әлеге сорауга Балтач үзәк мәчете имам-хатыйбы Рамил хәзрәт Бикбаев җавап бирә:
– Пәйгамбәребез (с.г.в.) әйткән: «Аллаһы Тәгаләне сакла, Аллаһ сине саклар», ягъни Аллаһны күңелеңдә сакла, аның динен үтә дигән мәгънәдә. Әлеге хәдис халкыбыз арасында сакланганны саклармын дигән мәкаль буларак киң таралган. Бу  гыйбарәдә төп мәгънә сәбәп кылу турында, ягъни кеше үзеннән торганны тулысынча, көченнән килгәнчә башкарырга бурычлы. Шуны  үтәгәннән соң гына ул нәтиҗәсен Аллаһка тапшыра, Аллаһка тәвәккәл кыла ала.