Әхлак дәресләре: иман белән холык аерылгысыз туганнар

ИМАН белән ӘХЛАК — һәрчак бергә!

Пәйгамбәребез: «Кешеләрнең иманнары иң камил булганнары: холыклары иң күркәм, гаиләләренә карата иң йомшак булганнары»,* — дип әйткән (Тирмизи риваяте).

Кайбер кардәшләребездән: иң мөһиме — кешенең иманы төзек булсын, әхлак әхлак кына инде ул, — дигән сүзләрне еш ишетергә туры килә. Кешенең йөрәгендә иманы нык булган саен, холкы да төзәлергә тиеш. Аллаһы Тәгалә белән ике ара төзек булганнарның, кешеләр белән дә арасы төзәлергә тиеш. Пәйгамбәребез кешеләрнең иң иманлысы, тәкъвалысы булган кебек, иң күркәм холыклысы да булган. Иман белән холык аерылгысыз туганнар.

Йә Аллаһым, безгә ныклы иман, күркәм холыклар бир, Аллаһ белән ике арабызны төзек тотып, Аллаһ риза булган гамәлләр белән генә яшәргә насыйп булсын.

«Алтан мәчете»