Бәрәкәт булсын өчен сигез киңәш

«Бәрәкәт — Аллаһның рәхмәте килеп, аз гына нәрсәләрнең дә артып, күбәеп ирешүе ул. Бәрәкәт булса, аз гына акча да, вакыт та җитешле була. Моның хакта Пәйгамбәрез Мөхәммәд салләллаһу галәйһи вә сәлләм хәбәр иткән.

Бәрәкәт булсын өчен, кайбер киңәшләр:

1. Һәр эшне „Бисмилләһ“ сүзләрен әйтеп башлау.

2. Коръән уку.

3. Ризыкны гаилә белән бер табын артында утырып ашау.

4. Ризыкны калдырмыйча ашап бетерү.

5. Йокыдан иртә уяну.

6. Һәр эшебездән соң, гомумән һәр көнне, Аллаһыга шөкер сүзләрен әйтү.

7.Хәер, сәдака бирергә тырышу.

8. Туганнар белән элемтәне саклау.

Бу исемлекне тагы да дәвам итеп булыр иде, әлбәттә. Әлегә шуларны „көн кадагына“ беркетеп, тормышыгызга кертеп җибәрсәк, һичшиксез, үзебез дә һәр көннең, эшнең, сәгатьнең, гомумән тормышыбызның бәрәкәтен күрербез!» — дип яза Тимергали хәзрәт Юлдашев.

Чыганак

Автор: Фануз Хабибуллин