Кирәгеннән артык ашау

Хәдиснең дәвамында исә, андый аз микъдар белән канәгатьләнмәгән очракта, ашказанын өч өлешкә “бүлеп”, шуның бер өлешен генә ризык белән тутырырга, икенче өлешен сыекча-эчемлеккә, өченче өлешен – һава өчен, ягъни буш калдырырга кирәклеге хакында әйтелә. Югыйсә, “...кешеләр яшәешенең кем күпме эләктерсә – шул чаклы ашый торган... ерткыч хайваннар өере тормышыннан бер аермасы да калмый”.

Статистика мәгълүматларына караганда, бүгенге көндә дөньяда яшәүче 7 миллиард халыкның 1 миллиарды чамадан тыш гәүдә авырлыгыннан, симезлектән интегә һәм, шул сәбәпле, ел саен 2,8 миллион кеше дөньядан китә икән. Шул ук вакытта ачлыктан, ачлы-туклы яшәгәнлектән килеп чыккан авырулардан көн саен 24 мең кеше вафат була.

Дөньяда җитештерелгән азык-төлекнең 30% (2,7 тонна) чүплеккә ыргытыла... Мәскәүдә сатып алынган ашамлыкның 23% ташлана. Рәсәй гражданнарының өчтән бере азык-төлекне кирәгеннән артык сатып ала икән. Пәйгамбәребезнең (с.г.в.) тагын бер хәдисен искә төшерик: “Бер кешенең ризыгы – ике кешегә, ике кешенеке дүрт кешегә җитә”.

(Рамил һәм Эльмира Хисамовларның “Рамазан” ислам календареннан).

Сораштыру

Ә сез күп ашыйсызмы, азык-төлекне кирәгеннән артык күп сатып аласызмы?

–Кызганычка, әйе

–Тиешенчә, кирәгенчә генә

–Күп ашамасам да, запас белән алырга яратам шул

–Бездә исраф булмый, калганын мал-туарга ашатабыз

–Нишлим инде, тәмле ашарга яратам шул

–Бозылмый торганнарын күбрәк тә алабыз, бер утыруда ашап бетерәбез дигән сүз түгел бит бу