Мөселманнарга бокс ярыймы?

Улымны бокска бирергә теләгән идем. Ирем каршы. Ул намаз укый, диндә. Ислам дине буенча бокс белән шөгыльләнү хупланмый, ди. Аның сүзендә хаклык бармы?

«Саләх» мәчете имам-хатыйбы Тимергали хәзрәт ЮЛДАШЕВ җавабы

— Көндәшеңнең тормышына һәм сәламәтлегенә зыян китерергә мөмкин булган спорт төрләре диндә тыела. Бигрәк тә бокс. Анда спортчылар бер-берсенең башына да, йөзенә дә суга. Дин исә тән өчен файдалы булганны гына рөхсәт итә, ә зыян китерүне тыя. Үзең өчен генә хобби буларак бокс тыелмый. Ягъни йодрык белән кешегә түгел, махсус капчыкка сугып шөгыльләнергә ярый.

чыганак