Лилия Муллагалиевага операция булган

Җырчы Лилия Муллагалиева яман шеш белән көрәшүен хәбәр иткән идек. Кичә ул Санкт-Петербург шәһәрендәге хастаханәдә операция ясаткан. 

«Җәмәгать, бер видео гына ясыйм да телефонымны алып куям. Алайса минем телефоным шартлый. Барысы да әйбәт, ясадылар. 5 сәгать дәвам иткән операция. Тавышлар әлегә шулайрак. Мине реанимациядә диделәр. Барлык лимфаларны, калкансыман бизләрне алып аттылар. Табиблар шундый карарга килде. Иң мөһиме – яман шешне алып ташладылар», – диде җырчы.

Без исә Лилиянең сәламәтләнеп, гаиләсе янына әйләнеп кайтуын теләп калабыз.

Район тормышына кагылышлы иң мөһим яңалыкларны безнең Макс каналыннан да белә аласыз!