Авария: ике кеше вафат, дүрт кеше җәрәхәтләнгән

4 июньдә Сарман районында Лада автомобиле йөртүчесе, беренчел мәгълүматлар буенча, каршы як полосага чыккан һәм Toyota автомобиле белән бәрелешкән.

Нәтиҗәдә Ладаның йөртүчесе һәм алгы пассажиры урында ук үлә. Ладаның тагын бер пассажиры, шулай ук Toyota автомобиленең йөртүчесе һәм ике пассажиры җәрәхәтләр алган. Авариянең сәбәпләре ачыклана.

Татарстан Республикасы буенча Эчке эшләр министрлыгы Дәүләт автоинспекциясе юл хәрәкәте кагыйдәләрен тайпылышсыз үтәргә чакыра!