Балтач муниципаль район башлыгы Рамил НОТФУЛЛИН юлчылар бәйрәме белән котлый

Яхшы юллар - бик күп башлангычларда уңышларның күп өлешен тәэмин итүче фактор булып тора. Юлчыларның хезмәте җиңелләрдән түгел. Сез гаять мөһим хезмәт башкарасыз: төрле һава шартларында, көнне-төнгә ялгап, алны-ялны белми эшлисез. Хезмәтегез һәрчак райондашларыбызның күз алдында. Эшегезнең күләме генә түгел, сыйфаты да елдан-ел яхшыра бара. Әле башкарасы эшләрегез дә бихисап. Намуслы, тырыш хезмәтегез өчен чиксез рәхмәт сезгә! Ихластан һөнәри бәйрәмегез белән тәбрикләп, үзегезгә һәм гаиләләрегезгә ныклы сәламәтлек, иминлек, бәхет, уңышлар телим. Тагын бер кат бәйрәм белән сезне!