Ел буе игелекле эшләр белән шөгыльләнгәннәр. Кемнәр?

Татарстанда  иганәчелек социаль сәясәтнең бер өлеше булып тора.  “Ел  иганәчесе” конкурсы 2007 елдан башлап ел да уздырыла. Аның номинантлары – республика, районның  икътисадый һәм сәяси үсешенә  лаеклы өлеш керткән  кешеләр. Алар төрле номинацияләрдә – эре һәм урта предприятиеләр, кече эшмәкәрлек, коммерциячел булмаган оешмалар, шәхси эшмәкәрләр, мәгълүмат чаралары, хәйрия фондлары, физик затлар арасында билгеләнде. 2019 елда “Физик затлар” номинациясендә Гөлнара Камил кызы Якупова, ә 2021 елда Радик Наил улы Шәрипҗанов “Ел иганәчесе” булып танылса, 2020 елда Тимирязев исемендәге җәмгыять “Кече бизнес эшкуары” номинациясендә җиңү яулады.

Изгелек кыл, кылган изгелегең үзеңә меңе белән әйләнеп кайтыр, диелгән бер хәдистә. Мәрхәмәтлелек, олыны-олы, кечене-кече итү, кеше күңелен тирәнтен аңлау кебек уңай сыйфатлар бик күп.