Кайда, күпме түлиләр?

Монда гаепне базарга һәм дәүләткә генә сылтарга кирәкми. Әле һәр хуҗалыкта файдаланмаган резервлар, мөмкинлекләр җитәрлек. Кешеләрне эшкә урнаштыру гына түгел, аларның нинди шартларда эшләве белән кызыксыну мөһим. Терлекләрне карау өчен кирәкле инвентарьлар бирелгәнме, уңаймы, соңгы тапкыр махсус эш киемнәре кайчан алыштырылган, терлек асларына тарату өчен пычкы чүбе, саламы кайтарыламы? Бөтенесенә игътибар бирергә кирәк. Бигрәк тә, районыбызның көзгесе булып торган сөт җитештерү көндәлек контрольдә булырга тиеш. Быел ун айда районда сөт узган ел шул чордагыдан 2139 тоннага күбрәк, 44948 тонна җитештерелде. Әмма кайбер хуҗалыклар узган елга карата шактый чигенеш ясадылар. Менә алар (сводкадагы саннар тонналарда). Мәсәлән, «Сосна», «Игенче», «Алга», «Уңыш» җәмгыятьләре. Җитештерүдәге кебек сыер савучыларның хезмәтенә түләүдә дә аерма шактый. Саннарның беренчесе: ел башыннан сыер савучыларга түләнгән уртача айлык хезмәт хакы, икенчесе - октябрь ае өчен түләнгәне (сумнарда).

Сыер савучыларга иң аз хезмәт хакы түләгән «Уңыш» хуҗалыгы сөт җитештерү буенча да районда иң артта сөйрәлә. Ун айда нибары 660 тонна - күршеләре «Дуслык» хуҗалыгыннан 5 тапкырга кимрәк - сөт җитештерделәр. «Борнак», Тукай исемендәге, Рәхимов исемендәге хуҗалыкларда да сөт саву күрсәткечләре мактанырлык түгел.