Райондашларыбызга Балтач Сабантуенда «Мактаулы гражданин” исеме бирелде

Балтач Сабан туенда бик матур вакыйга традициягә керде. Ул районыбызның үсешенә үзләренең намуслы, фидакарь хезмәтләре белән зур өлеш керткән һәм шулай ук республика һәм ил күләмендә уңышларга ирешкән шәхесләргә «Балтач муниципаль районының Мактаулы гражданины» исеме бирелә.

Быел бу мәртәбәле исемгә Иске Көшкәт авылында туган, Удмуртиянең Атказанган сәнгать эшлеклесе Данилов Петр Павлович, Балтач бистәсендә яшәүче атказанган мәдәният хезмәткәре, хезмәт ветераны, шагыйрә Шакирова Фәридә Гариф кызы, Смәел авылыннан атказанган агроном, хезмәт ветераны Галиев Фаварис Мөхәммәтгали улы лаек булды. Котлыйбыз!