Инвалид балалары булган гаиләләргә 1% ипотека тәкъдим ителде
Социаль иминият фонды мәгълүматлары күрсәткәнчә, Россиядә 780 меңнән артык инвалид бала исәпләнә
Дәүләт Думасы депутаты, Дума фракциясе башлыгы Сергей Миронов Премьер-министр Михаил Мишустинга инвалид балалары булган гаиләләр өчен махсус ипотека программасы булдыру тәкъдиме белән мөрәҗәгать иткән, дип яза «Татар-информ».
Миронов мондый гаиләләр өчен еллык 1 процент ставкалы ипотека программасын эшләтеп җибәрү мөмкинлеген карарга тәкъдим итә. Аның сүзләренчә, Россиядә гамәлдә булган «Гаилә ипотекасы» программасы 6 процент ставка белән торак шартларын яхшыртырга ярдәм итә. Әмма бу программада инвалид балалар тәрбияләүче ата-аналарга төшә торган өстәмә финанс йөкләнеш исәпкә алынмый.
Ул билгеләп үткәнчә, инвалид балалар үстерүче гаиләләр дәвалау, реабилитация, дарулар өчен зур чыгымнар тота.
Социаль иминият фонды мәгълүматлары буенча, илдә 780 меңнән артык инвалид бала исәпләнә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Оставляйте реакции
Нет комментариев