Россия әләме булмаган яңа автомобиль номерларын кулланучыларга 500 сум штраф яный
Үзгәрешләр яңартылган «Дәүләт теркәү транспорт чаралары билгеләре. Типлары һәм төп үлчәмнәре. Техник таләпләр» ГОСТына бәйле
2025 елның 1 гыйнварыннан Россия әләме сурәтләнмәгән яңа автомобиль номерларын кулланучыларга 500 сум күләмендә штраф яки кисәтү яный. Мондый очраклар стандарт булмаган теркәү билгеләре булган автомобиль белән идарә итүгә тиңләнә. Бу хакта ТАССка сылтама белән «Татар-информ» хәбәр итә.
Үзгәрешләр яңартылган «Дәүләт теркәү транспорт чаралары билгеләре. Типлары һәм төп үлчәмнәре. Техник таләпләр» ГОСТына бәйле.
Документ нигезендә, барлык яңа номерларда Россия триколоры сурәтләнергә тиеш – аста уң почмакта. Бу таләп 2025 елның 1 гыйнварыннан соң теркәлү яки яңадан теркәлү узучы барлык транспорт чараларына кагыла.
Шул ук вакытта иске үрнәк номерлы автомобильләр рөхсәт ителә торган нормалар да кала. Әгәр теркәү билгеләре 2025 ел башына кадәр бирелгән һәм элеккеге стандартка туры килә икән, машина йөртүчегә аларны куллану өчен җаваплылык янамый.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев