Татарстанда «Гадел билге» яклау үзәге ачылачак

Татарстан Республикасында «Гадел билге» ярдәм итү үзәкләре ачылачак, ул 16 февральдә эшли башлаячак, дип хәбәр итә ТР Икътисад министрлыгы матбугат хезмәте.

Татарстан 16 сынау төбәгенең берсе булды. 

Проект эшмәкәрләргә товарларны маркировкалауның яңа кагыйдәләрен үзләштерергә ярдәм итәчәк. Инициатива ТР Икътисад министрлыгы һәм «Минем бизнес» үзәге ярдәмендә тормышка ашырыла.

Татарстан Республикасы Икътисад министрының беренче урынбасары – Эшмәкәрлекне үстерү департаменты директоры Наталья Кондратова сүзләренә караганда, бизнеска «Гадел билге» системасын гамәлгә керткәндә профессиональ ярдәм кирәк.

Эшмәкәрләр «Гадел билге» системасында теркәлү, маркировка кодлары салу, электрон документ әйләнеше белән эшләү һәм товарларның милли каталогын тутыру буенча бушлай консультацияләр ала алачак. Шулай ук дәүләт ярдәме чаралары турында мәгълүмат биреләчәк, шул исәптән җиһазларга субсидияләр һәм процентсыз кичектерү.

Маркировка буенча консультация һәм эксперт ярдәме сорап «Минем бизнес» үзәгенә түбәндәге адрес буенча мөрәҗәгать итәргә була: Казан, Петербург ур., 28 йорт. Алдан язылу мәҗбүри — сылтаманы Үзәк сайтында карарга мөмкин.

Ярдәм «Нәтиҗәле һәм конкурентлы икътисад» милли проектына керә торган «Кече һәм урта эшмәкәрлек һәм шәхси эшмәкәрлек инициативасына ярдәм» федераль проекты кысаларында күрсәтелә.

Татарстанда бизнеска ярдәм итү мәсьәләләре буенча Бердәм контакт‑үзәккә 8 (843) 524-90-90 телефоны аша мөрәҗәгать итәргә була.

Операторы ЦРПТ булган «Гадел билге» дәүләт маркировкасы системасы товарларның законсыз әйләнешенә каршы тору һәм ялганнан кулланучылар хокукларын яклау өчен милли цифрлы платформадан гыйбарәт. 2025 елда гына да система легаль булмаган һәм контрафакт продукцияне сатуның 2,8 млрд тан артык омтылышын чикләде.

Вести Татарстан