Җыйган җирдә туплана. Килешәсезме?

Заманында үзара салымның «берне биш итү» мәсьәләсендә, ягъни җыелган акча күләменә карап, республикадан янә дүрт өстәмә өлеш кайту күп пробле­маларны хәл итәргә мөмкинлек бирүе турында районыбыз халкы хәйраннан хәбәрдар. Авылларда эшләнгән эшләр күз алдында, аның үтәлеше турында даими рәвештә җавап тотыла, тикшерү органнары да өсте-өстенә бу мәсьәләгә даими игътибар итәләр.

Соңгы елларда үзара са­лым җыюга үзгәрешләр дә кер­де: авыл җирлегендә граждан­нардан җыелган акчага икенче ел инде дәүләттән кайта торган өлеше өч тапкыр гына артты­рып бирелә.

Үзара салымга Балтач шәһәр бистәсендә нидер эшләргә уйлыйсың икән, шу­шында җыелган акчага гына өмет итәсе була, бу очрак­та дәүләт ярдәме юк. Бары Көек һәм Курмала халкыннан җыелган акчага гына дәүләт тарафыннан өч тапкыр артты­рып бирелә. Үзара салымның әһәмияте турында авыллар­да уздырылган җыелышларда даими аңлатылса да, кайбер җирлекләрдә гражданнар­дан акча җыю сүлпән бара. Әллә инде авылларда эшли­се эшләр беттеме, әллә инде үз җирлегебезнең торышына битараф була башладыкмы, аңлашылмый.

 Дәүләт тарафын­нан бирелә торган ярдәм тук­татылса, күп эшләрне башка­рып булмаячак яисә ярты юлда калачак, шуңа төшенсәк иде. Җирлекләрдә җитәкчеләргә, депутатларга үзара салым про­граммасы авылларда финанс-лау проблемаларын хәл итүдә чыннан да мөһим роль уйна­вын халыкка яңадан ныклап аңлатырга кирәктер, бары бердәм эшләгәндә генә үз авыл­ларыбызны үстерергә, матур­ларга мөмкинлек булачак.