1,2 млн сум алимент түләмәгән өчен колониягә озатканнар
Арча районы прокуратурасы элек судка тартылган 35 яшьлек ир-атка карата җинаять эше буенча дәүләт гаепләвен яклады.
Суд әлеге ир-атны РФ Җинаять кодексының 157 маддәсе 1нче бүлегендә каралган җинаятьләр эшләүдә гаепле дип тапты.
2024 елның мартыннан июньгә кадәр ир-ат элеккеге хатыннарына өч балигъ булмаган балаларны тәрбияләү өчен алимент түләмәгән. Мондый хокук бозулар эшләгән өчен ул моңа кадәр дә административ җаваплылыкка тартылган булган.
Бурычы 1,2 млн сумга җыелган. Суд ир-атны гаепле дип тапты һәм колониягә 1 елга ирегеннән мәхрүм итте.
Суд карары үз көченә керде, дип хәбәр иттеләр Арча районы прокуратурасыннан, дип яза Арча хәбәрләре.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев