Башкаларга үрнәк яки чисталыкка битараф райондашлар хакында

Ильнур, 16 март 2016 - 13:04

3382

Чираттагы чисталык комиссиясендә барлыгы дүрт эш каралды. Әмма ике райондашыбыз комиссиягә килеп торуны кирәк тапмаган. Шулай да бу кешеләрнең эшләре тикшерелеп, аларга тиешле җәзалар бирелде.

Башкаларга үрнәк яки чисталыкка битараф райондашлар хакында

"Балтачагрохимсервис" оешмасы шоферына ком ташыган чагында арбасына брезент япмаган өчен беркетмә төзелә.
- Башкаларга үрнәк булдым инде. Миңа беркетмә төзелү белән башкалар арба өсләрен брезент белән каплап йөри башлады, - диде абзый.

Улисьял авылында яшәүче В. исә олы юлдан барган чагында техника арбасыннан тирес төшеп калган өчен җавап тотарга туры килде.

Комиссиядә "Борнак" җәмгыяте фермасы мөдиренә исә ферма территориясендә табылган бозау үләксәләре өчен зур күләмдә штраф билгеләнде.

Кариле авылыннан С. урамда машина юган өчен җаваплылыкка тартылды.

Юкса, әлеге таләпләр үтәлмәслек тә түгел кебек. Бары күңел бирергә генә кирәк. Язма белән танышкач, ул таләпләрне белмибез бит диючеләр дә шактый булыр. Шәһәр һәм авыл җирлекләрен төзекләндерү кагыйдәләре белән җирлек башкарма комитетларында таныша аласыз һәм киләчәктә тәртип бозуларга юл куймассыз, дип уйлыйбыз.