Гыйнвар өчен балалар пособиеләре кайсы көннәрдә киләчәк?

2024 елның соңгы аенда күп кенә социаль түләүләр озын гыйнвар яллары аркасында арттырылган күләмдә киләчәк. Дәүләт оешмаларының күп өлеше бәйрәм көннәрендә эшләмәү сәбәпле, гыйнвар түләүләре декабрь ахырына күчереләчәк. Бу 1,5 яшьтән алып 3 яшькә кадәр балалар тәрбияләүче аерым категория гражданнарга пособие түләүгә, шулай ук йөклелек буенча түләүләргә һәм универсаль бердәм пособиегә дә кагыла, дип яза Шәһри Казан.

Моннан тыш, киләсе елда гаиләләр бала карау өчен күбрәк акча ала алачак, чөнки балалар пособиеләре һәм түләүләр еллык индексация, төбәк минималь хезмәт хакы үсеше һәм иминият кертемнәрен түләү өчен чик базасы хисабына арттырылачак. 

Балалар пособиеләре күпмегә артачак һәм аларны 2025 елда кайчан түли башлаячаклар?

Россиядә әти-әни булырга әзерләнүче яки балаларны тәрбияләүче россиялеләргә ярдәм итү чаралары күп. Аларның күбесе даими характерда һәм берничә ел дәвамында ай саен түләнә. Бу дәүләт түләүләренең графигы җитештерү календаренә бәйле, ул Яңа ел бәйрәмнәре чорында эш көннәрен күчерүне күздә тота.
Озын яллар вакытында — 2024 елның 29 декабреннән 2025 елның 8 гыйнварына кадәр — банклар, почта бүлекчәләре һәм социаль фонд эшләмәячәк, дәүләт түләүләре башка график буенча исәпләнәчәк. Декабрьдә балалар түләүләре ике тапкыр киләчәк. Ай башында әти-әниләргә ноябрь өчен пособиеләр исәпләгәннәр инде, ә декабрь азагында-бөтен декабрь өчен күчерәчәкләр.

Балалар өчен түләүләр һәм пособиеләр исзп-хисап счетына 2024 елның 28 декабренә кадәр килергә тиеш. Бу балаларга һәм йөкле хатыннарга бирелә торган бердәм пособиегә, өч яшькә кадәрге балаларга Президент пособиесенә һәм яшь ярымга кадәр бала карау буенча пособиегә кагыла.
2025 елның гыйнварында социаль керемнәр түләнмәячәк, чөнки аларны алдан ук, ягъни декабрьдә күчерәчәкләр. Моны бюджетны февраль башына кадәр планлаштырганда, социаль акчалар яңадан счетка кергәндә исәпкә алу мөһим.

2025 елда балалар түләүләре күпмегә һәм кемгә артачак

Киләсе елда барлык социаль пособиеләр яшәү минимумыннан соң еллык индексация хисабына арттырылачак. Әйтик, 2024 елда Россиядә җан башына яшәү минимумы 15 453 сум тәшкил иткән, ә 2025 елның 1 гыйнварыннан ул 17 733 сумга кадәр артачак.
Киләсе ел башыннан яшь ярымга кадәрге бала карау буенча айлык пособиенең максималь суммасы 68 мең сум тәшкил итәчәк, ә минималь түләү күләме — 10 мең сум тирәсе, ә хәзер түләүнең максималь суммасы аена 49 мең сум тәшкил итә.

2025 елның 1 февраленнән ана капиталы да индексацияләнәчәк. Беренче балага түләү 676 мең сум, әгәр элек ана капиталы беренче бала туганда алынмаган булса, икенчесенә — 894 мең сум тәшкил итәчәк.

Моннан тыш, хезмәт хакының минималь күләмен (МРОТ) 19 242 сумнан 22 440 сумга кадәр арттыру нәтиҗәсендә йөклелек һәм бала табу буенча минималь пособие 140 көн эчендә 103 285 сум тәшкил итәчәк.

Шулай ук аз керемле гаиләләргә бирелә торган балалар пособиеләре дә артачак. 2025 елда 17 яшькә кадәрге бер тәрбияләнүчегә аена 8600 сум түләү планлаштырыла, ә булачак әниләргә минималь айлык түләү якынча 9660 сум тәшкил итәчәк. Өч яшькә кадәрге балага ай саен 17 мең сумнан аз гына күбрәк акча бүленәчәк.

2025 елның февралендә түләүләр кайчан киләчәк?

2025 елның февралендә балалар өчен түләүләр һәм пособиеләр исәпләүнең төгәл графигы Россиянең социаль фонды тарафыннан исәп-хисап аена якынрак расланачак. Алдан, айның беренче числоларында, 3 февральдән башлап, ата-аналарга түли башлаячаклар:

- бердәм балалар пособиесе;

- өч яшькә кадәрге беренче балага түләү;

- өч яшькә кадәрге балаларга ана капиталыннан айлык пособие;

- балалы гаиләләргә социаль ярдәмнең башка даими түләүләре.

Эшләүче ата-ана яшь ярымга кадәр бала карау буенча ялда булу чорында айлык пособие 2025 елның 7 февралендә киләчәк. Калган түләүләрне график буенча көтәргә кирәк. Исәпләнгән акчалар алдагы ай - 2025 елның гыйнварына киләчәк.