Казанда тимер юл станциясендә олы яшьтәге ир-атны электричка бәрдергән
Якынча мәгълүматлар буенча, ир-ат тыелган урында тимер юл аркылы чыккан.
Кичә иртән Казанның Тихорецк тимер юл станциясе янында 77 яшьлек пенсионерны электричка бәрдергән, ир-ат шунда ук һәлак булган. Бу хакта Россия Тикшерү комитетының транспортта Үзәк төбәкара тикшерү идарәсе матбугат хезмәтендә хәбәр иттеләр.
Якынча мәгълүматлар буенча, ир-ат тыелган урында тимер юл аркылы чыккан. Шәһәр яны поезды машинисты электричканы туктатырга тырышса да, барып чыкмаган. Ир-ат алган җәрәхәтләрдән шунда ук һәлак булган.
Хәзерге вакытта РФ Җинаять кодексының 263нче маддәсе (тимер юл транспортыннан файдалану һәм хәрәкәт куркынычсызлыгы кагыйдәләрен бозу) буенча тикшерү үткәрелә.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев