Контракт буенча хезмәттән азат ителә аламмы?

– Гамәлдәге законнарда контрактны вакытыннан алда туктату өчен мондый нигез каралмаган. Моның өчен нигезләр түбәндә күрсәтелгән:
1. “Хәрби бурыч һәм хәрби хезмәт турында” № 53-ФЗ санлы Федераль законның 51 мәддәсе нигезендә.
2. Контракт буенча хәрби хезмәт узучы хәрби хезмәткәр вакытыннан алда хәрби хезмәттән азат ителергә мөмкин:
а) оештыру-штат чараларына бәйле рәвештә;
б) Эчке эшләр органнарына, Русия Федерациясенең Милли гвардиясе гаскәрләренә, Дәүләт янгынга каршы хезмәтенә, Русия Федерациясе Җинаять җаваплылыгын үтәтү системасы учреждениеләренә һәм органнарына, Русия Федерациясенең таможня органнарына хезмәт итүгә күчүгә һәм әлеге органнарның һәм учреждениеләрнең гади (кече) яки җитәкче составы вазыйфаларына билгеләнүенә бәйле рәвештә.
3. Тагы да Русия Президентының 1999 елның 16 сентябрендәге “Хәрби хезмәт үтү мәсьәләләре” турында 1237 санлы Указының “Хәрби хезмәттән азат итү тәртибе” бүлегенең 34нче мәддәсен карагыз. Анда хәрби хезмәткәрләрне хәрби хезмәттән азат итү һәм аларны хәрби частьның шәхси составы исемлегеннән төшереп калдыру тәртибе язылган.
4. Шулай ук контракт шартларын өйрәнегез. Анда хезмәткә түләү күләме үзгәрүгә бәйле, контрактны вакытыннан алда өзү хокукы каралган булса, бу хезмәттән китә аласыз.

Резеда Галикәева