«13 %ын кайтарып буламы?»

Дарулар өчен тотылган чыгымның 13 %ын кайтарып буламы? Әллә ул дәвалануга гына кагыламы?

Федераль салым хезмәтенең ТР буенча 5нче районара инспекциясенең бүлек җитәкчесе Мөнир ШӘЙДУЛЛИН җавап бирә.

— Әгәр бу даруга табиб рецепты һәм даруханәдән сатып алынганны раслый торган чеклары булса, чыгымның 13 %ын кайтара алалар. Шунысы бар: дәвалану, уку, фитнес ише чыгымнарга вычет кайтару суммасы барысы бергә 120 мең сумнан артмаска тиеш (13 %ы — 15 600 сум). Дарулар да шушы суммага керә. 

2023 елга 120 мең сумга хәтле чыгым өчен мөмкин. Ә быелдан бу системага үзгәреш кертелде, сумма күләме артты. 2024 елда башкарылган түләүләр өчен 2025 елда кайтарганда, 150 мең сумга хәтле (13 %ы — 19 500 сум) мөмкин булачак.

чыганак