2025 елда ана капиталының күләме билгеле булды
Ана капиталының күләме беренче балага – 677 мең, әгәр гаилә беренче сабый туганнан соң ярдәмне алмаган булса, икенчесенә 894 мең сум тәшкил итәчәк.
2025 елда ана капиталы күләме беренче балага – 46 мең, икенчесенә 61 мең сумга арттырылачак. РФ хезмәт һәм социаль яклау министры Антон Котяков шулай дип белдерде.
«Агымдагы елга карата үсеш беренче балага – 46 мең, икенчесенә 61 мең сум тәшкил итәчәк. Ана капиталы акчасыннан 1 миллионнан артык кеше файдаланыр дип уйлыйбыз», - диде министр, Дәүләт Думасында ясаган чыгышында.
Ул февраль аеннан ана капиталының чынлыктагы инфляция дәрәҗәсенә индексацияләнәчәген искәртте.
Димәк, ана капиталының күләме беренче балага – 677 мең, әгәр гаилә беренче сабый туганнан соң ярдәмне алмаган булса, икенчесенә 894 мең сум тәшкил итәчәк, дип яза Татар-информ.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев