Ана капиталы мөмкинлекләре үзгәрергә мөмкин...

Россиядә ана капиталын балаларны һәм аларның ата-аналарын дәвалауга сарыф итәргә рөхсәт итәргә телиләр.

Әлеге фикерне Дәүләт Думасы вице-спикеры Борис Чернышов тәкъдим иткән, – дип яза Шәһри Казан.

Ана капиталын әти-әниләрне һәм балаларны дәвалауга файдалануга рөхсәт бирү гаиләләргә финанс йөкләнешен киметергә һәм медицина хезмәтләреннән файдалану мөмкинлеген арттырырга мөмкин, дип ассызыклана. Аның сүзләренчә, сәламәт әти – әниләр балалары турында яхшырак кайгырта алачак, бу аларның гомуми халәтенә уңай йогынты ясый. 

Шулай ук Сәламәтлек саклау министрлыгына ана капиталы хисабына түләнергә мөмкин булган медицина хезмәтләре исемлеген эшләү тәкъдим ителде.