Билгеләнгән урында сат, югыйсә штраф көтә

Ильнур, 28 июль 2015 - 15:51

3052

Газетабызда халыкка шәхси хуҗалыкларында җитештергән авыл хуҗалыгы продукцияләрен сату өчен район базарында һәм сәүдә мәйданнарында аерым сәүдә нокталары бирелүен хәбәр иткән идек.

Билгеләнгән урында сат, югыйсә штраф көтә

Балтачта Полевая урамындагы 1нче йорттагы «Балтач» агропромышленность паркында сату өчен - 20, Ленин урамы 28нче йорт адресы буенча икмәк комбинаты янында - 15, Нариман урамы 19б йорт адресы буенча сәүдә рәтләреннән - 2, Школьная урамы 2/3 йортыннан 1 урын булдырылды.

«Хәләл» индустриаль паркында үткәрелә торган авыл хуҗалыгы ярминкәләрендә дә үзендә җитештерелгән ит, сөт, май, бал, яшелчә, җиләк-җимеш... гомумән барысын да сата аласың. Алардан файдалану бушлай булачак. Шулай да кайберәүләр һаман да рөхсәт ителмәгән урыннарда саталар. Бу санитария-гигиена кагыйдәләренә дә каршы килә. Авыл хуҗалыгы продуктларын рөхсәт ителмәгән урында сатучыларга административ чаралар күреләчәк, штрафлар салыначак.