Дүрт яшьлек улын асып куйган

Әлеге хәл кичә кичен Мәскәү өлкәсенең Пушкино шәһәрендә булган. Укытучы булып эшләгән бу ана ике тапкыр «шизофрения» диагнозы белән психиатрия дәваханәсендә дәвалана. Мөгаен, авыру аның депрессиясе фонында барлыкка килгәндер.

Хатынның социаль челтәрләрдәге битләре аның гәүдә авырлыгы аркасында нык борчылуы турында нәтиҗә ясарга мөмкинлек бирә - бала тапканнан соң педагог артык авырлык җыйган (аның дүрт баласы бар). Ул даими рәвештә ябыгу ысуллары турында сөйләгән сайтларда була. Ире актив яшәү рәвеше алып бара, спорт белән шөгыльләнә, марафоннарда катнаша. Бәлки, мотивация урынына бу хатын-кыз аңында үзгәрешләр китереп чыгаргандыр.

Искәртеп узабыз, фаҗига якшәмбе көнне кич Пушкинода булган. Гаилә башлыгы ике өлкән кызы белән йөрергә чыгып китә, ә кайткач, хатыны кече улын колготкиена асып куюын күреп ала. Баланы коткарып булмый, дип яза Кызыл таң.

Фото: pixabay.com/ru

Автор: Резеда Галикәева