Ике пенсия кемнәргә?

«Кайбер очракларда русиялеләр ике төрле түләү алу өчен берьюлы ике нигезләмәдән файдаланырга хокуклы. Бу пенсия белән тәэмин итү турындагы законнарда билгеләнгән», - дип хәбәр итә Life.

Беренче төркемгә дәүләткә хезмәт иткәндә барлыкка килгән инвалидлык буенча пенсия алучы русиялеләр керә. Аларга хәрби хезмәткәрләр, Эчке эшләр министрлыгы һәм башка көч ведомстволары хезмәткәрләре кертелгән. Алар барысы да, инвалидлык буенча түләүдән тыш, картлык буенча страховка пенсиясенә дә хокуклы. Әмма бер шарт бар - аларның минималь эш стажы 12 ел булырга тиеш.

Пенсиягә өстәмәләр алу хокукына ия икенче төркем - һәлак булган хәрби хезмәткәрләр һәм көч ведомстволары хезмәткәрләренең гаилә әгъзалары, шул ук вакытта аларга түләүләр 55 һәм 50 яшь тулгач башлана.

Ике тапкыр бирелә торган пенсиягә тиешле еллар эшләгән өчен махсус өстәмә каралган гражданнар дәүләт хезмәткәрләре исәп тота ала.

Шулай ук өстәмәләрне балигъ булмаган балалар тәрбияләүче пенсионерлар да, авыл җирлегендә 30 еллык эш стажы булган пенсионерлар да ала, дип яза Кызыл таң.

Фото: pixabay.com/ru

Автор: Идрис Саитгалеев