Ирен аздан гына теге дөньяга жибәрмәгән хатынга хөкем карары чыгардылар

Ильнур, 14 июнь 2015 - 07:26

2495

Әлеге хәл Чаллы шәһәрендә булган һәм 39 яшьлек хатын-кыз судта гаебен тулысы белән таныган.

Ирен аздан гына теге дөньяга жибәрмәгән хатынга хөкем карары чыгардылар

Чаллының 12 нче комплексында яшәүче әлеге хатын ире белән бәхәскә кергән. Уртак фикергә килә алмагач ир йокларга булган. Хатыны сөйләшүне ахырына җиткерәсе килеп, ире янына килә һәм тезе белән аның күкрәгенә сикерә, аннан соң пычак алып, иренең иңе тирәсенә ике тапкыр кадый. Ир котырган хатыныннан качмакчы була, әмма тегесе аңа тагын бер тапкыр пычак белән сугарга өлгерә.

Табиблар зыян күрүченең күкрәк читлеге имгәнүен, үпкәсенә, кулларының нервлары һәм мускулларына зарар килүен билгели. Суд хатын-кызга бирелгән яхшы характеристиканы һәм элек хөкем ителмәгәнлеген искә алып, 2 елга сынау срогы шарты белән аны 3 ел ирегеннән мәхрүм итү турында карар чыгара.

Фото: http://www.dddkursk.ru/lenta/2015/05/21/025574/

Чыганак: http://almet-rt.ru/tt/hbrl/item/9593