Ирен моргтан алырга баручы хатын коточкыч авариядә үлгән

Волгоград өлкәсендә яшәүче хатын ире янына моргка барганда һәлак булган. Бу хакта Интертат яза.

4 декабрьдә Антонов хуторында бер үк көнне ирле-хатынлы Александр һәм Ольга Кудировларны җирлиләр.

Башта Александр үлә. 2 декабрьдә Ольга иренең әйберләрен илтергә моргка барганда һәлак була.

Волгоград — Котельниково трассасында «Renault Fluence» машинасы «ГАЗ-3309» үзбушаткычына бәрелә. Җиңел машинаны йөртүче һәм пассажир хатын имгәнә, ә 47 яшьлек Ольга «ашыгыч ярдәм» килгәнче үлә.

Гаиләнең танышлары сүзләренчә, Ольга моргка иренең әйберләрен илтергә бара. Авариягә берничә көн алдан 53 яшьлек Александрны хастаханәгә салалар, ул шунда үлә.

18+