Кеше һәм закон
Кышкы салкында ана ике баласын киемсез килеш чокырга ташлап киткән, балаларның берсе үлгән
Саратов өлкәсендәге авылларның берсендә чокырда табылган кызның хәле авыр дип бәяләнә. Бу хакта җирле матбугат чаралары хәбәр итә.
22 декабрьдә көндез Аткарский районының Прокудино авылында чокырда биш һәм сигез яшьлек ике бала табылган. Прокуратура мәгълүматларына караганда, алар аңсыз булган. Малай хастаханәдә үлгән, кызны реанимациягә озатканнар. Район хакимияте мәгълүматлары буенча, балалар суыкта өске киемсез табылган.
«Зыян күргән кызны төнлә район хастаханәсеннән Саратов клиникасына китерделәр. Аның хәле авыр булып кала. Табиблар бөтен кирәкле медицина ярдәмен күрсәтә», — диелә җирле хакимиятнең Telegram каналындагы хәбәрендә.
Тикшерү мәгълүматларына караганда, 22 декабрь иртәсендә 43 яшьлек ананың балаларының тыңламанлыгына ачуы килеп, башта аларны буа, аннары урамга чыгарып ата. Анага карата ике маддә буенча җинаять эше кузгатылган.
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Оставляйте реакции
Теги: бала үлгән
Нет комментариев