М7 трассасында сөт продукциясе төялгән йөк автомобиле янган
Янгын нәтиҗәсендә ярты миллион сумлык зыян килгән.
(Казан, 12 ноябрь, «Татар-информ», Полина Шевчук). Татарстанда М7 трассасында сөт продукциясе төялгән йөк автомобиле янган. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
112 бердәм номерына республиканың Теләче районы юлында сөт продукциясе төялгән «ГАЗель» йөк автомобиленә ут кабуы хакында хәбәр килгән.
Ут белән көрәшүчеләр янгынны биш минут эчендә сүндергән. Нәтиҗәдә, автомобильнең кабинасы һәм продукциянең бер өлеше юкка чыккан. Янгын ярты миллион сумлык зыян китергән.
Янгын нәтиҗәсендә беркем дә зыян күрмәгән. Сәбәпләре ачыклана.
Фото: Россия Гадәттән тыш хәлләр министрлыгының ТР буенча Баш идарәсе матбугат хезмәте
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев