Махсус операция катнашучыларга кредит буенча ташламалы чорны озайту тәкъдим ителде

Татарстан Дәүләт Советы махсус хәрби операциядә катнашучылар өчен контракт буенча хезмәт итү вакытында кредитлар буенча ташламалы чор билгеләргә тәкъдим итте.

Федераль закон буенча, ташламалы чор мобилизация вакыты яки контракт төзелгән вакытны 30 көнгә арттырып, исәпләнә, дип яза Татар-информ.

«Контракт вакыты беткәч, хәрби хезмәткәр аның вакытын озайтмыйча гына хәрби хезмәтне дәвам итсә, заемщикның кредиторга мөрәҗәгать итү өчен контракт буенча хәрби хезмәтнең бөтен чорына ташламалы чор билгеләргә кирәк», – диелә закон проектына аңлатма язуында.

Шул сәбәпле, №377-ФЗ федераль законы маддәсенә үзгәреш кертү күздә тотыла. Аерым алганда, ташламалы чорны контракт буенча хәрби хезмәт узу срогын 30 көнгә арттырып исәпләргә тәкъдим ителә