Министрның бәдрәфендә миллионнар табылган
Сәламәтлек саклау министры акчаны кайда яшерергә белгән.
Алтай Республикасының ришвәт алуда шикләнелүче сәламәтлек саклау министры Сергей Коваленконың бәдрәфендә тентү вакытында 5,8 миллион сум акча табылган.
Тентү "Березовая роща" микрорайонындагы шәхси йортта узган. Хокук саклау органнары вәкилләре каралты-кураларны тикшергән, бәдрәфкә һәм инвентарь саклау өчен бинага кергән. "Акчалар - 5,8 миллион сум тирәсе - бәдрәфтә төрле төстәге полимер пакетта такталар астында яшерен урында табылган", - дип белдерә чыганак.
Пәнҗешәмбе көнне Коваленкога чик кую чарасы сайланачак суд утырышы булырга тиеш.
Элегрәк Коваленко һәм аның ярдәмчесе Рөстәм Төенчеков дәүләт контрактлары төзегән өчен ришвәт алуда шикләнелгән. Шул ук вакытта алынган "откат"ларның гомум суммасы 4,6 миллион сум тәшкил итә, дип яза Кызыл таң.
Фото: мк.ру
Автор: Резеда Галикәева
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев