Мошенниклар район башлыгының ялган аккаунтын ясаган

Мошенниклар Менделеевск районы җитәкчесе Радмир Беляевның ялган аккаунтын ясаган. Хакимият башлыгы телеграм-каналында шул хакта хәбәр итә.

Аферистлар WhatsApp аккаунтыннан яза, шулай ук район җитәкчесенекенә охшаган тавыш белән тавышлы хәбәрләр яздыра. Мошенниклар, имештер, Федераль иминлек хезмәтендә эшләүче ниндидер Семенов белән сөйләшүне үтенә. Шуннан соң аферистлар, телефоннан шалтыратып, акча күчерүне таләп итә.

«Бу көне буе дәвам итә. Зинһар, игътибарлы булуыгыз!» — диде Радмир Беляев.

чыганак